SALAADDU WAA XARIIRKA ALLAAH (SWT) IYO ADDOONKIISA.

SALAADDU WAA XARIIRKA ALLAAH (SWT) IYO ADDOONKIISA.

73
0
SHARE

Salaadda waa Rukniga ama Tiirka-2aad ee Tiirarka Islaamka, Shahaadateynka ka gadaal.

Waxaa Ummadda Nebi Muxamed Csw, lagu waajebiyay xilligii Nebigeenna la dheelmiyay, iyadoo habeenkaas, Shanta Salaadood ee Farliga ah oo Ilaaheey Swt, soo faray Rasuulkiisa Muxamed Csw.

Sharuudaha Salaadda ayaa ugu horeyntii waxaa ka mid ah:  Weysaqaadka, Niyo, Takbiir, Faataxo, Sajuud iyo Ataxyaad.

Qofkasta oo muslim ahi kuma cusba habka loo tukado iyo sunnooyinka salaadda ka hor iyo ka dambe la tukado.

Ujeeddada qormadaan waxaan uga golleeyahay keliya xusuusin bal in Dadka ku mashquulsan balwadda iyo xaaladda Adduunka ee aan waqtiba u helin tukasho in aan dib u xasuusiyo Salaaddu inay tahay mid waajib ah ee waqtigeeda lagaa doonayo in aad ogaato waqtigeeda, ogaatana xilligii la yiri hala tukado, taasoo aan marnaba lagaa dhaafeynin ilowsho iyo hurdo ku qaaddo maahee, taasina waad soo khalleyn kartaa markii aad soo xasuusato, ama aad ka tooska jiifka.

Ruuxa haddii uu xanuunsan yahay oo markaasi, sara joogu dhib ku yahay, Alle ma dhibin Addoomihiisa ee waxuu ku tukan karaa fadhi, hadduu kari waayana Jiifka isagoo niyeysanaya fartana ku tukan karo.

Salaadda Ruuxa qabatima oo wanaajiya waxay ka reebtaa xumaha oo idil, sidoo kale, Weysadu waa Caafimaad, waxay la mid tahay Adigu had iyo jeer Webi ku meyranaya.

Sidoo kale, Salaaddu waa xiriirka Alle Swt kala dhaxeeya Addoomadiisa iyo Nashaad Caafimad iyo Ajir badan.

Wa billaahi towfiiq.

Qoraa: Ibraahim Abuukar Cali (Fannax)