Dhaqanka dad qalatada ah ee Al-Shabaab Diinta Islmaanka raad kuma laha.

Dhaqanka dad qalatada ah ee Al-Shabaab Diinta Islmaanka raad kuma laha.

524
0
SHARE

Dhammaan culimada Soomaaliyeed ayaa marar badan ka hadlay dhaqanada xun xun ee Maleeshiyaadka Argagixisada Al-Shabaab ay ku dhibaateeyaan dadka Muslimiinta ah iyagoo adeegsanaya magaca Diinta Islaamka.

Diinteena suuban ee islmaanka ayaa ayaa meel sare gaarsiisay ilaalinta Qofka Muslimka ah, naftiisa, maalkiisa iyo sharafkiisa, waxaana taasi badalkeeda Al-Shabaab ay caadaysteen inay si toos ah ugu xadgudaan waxkasta oo diinta islmaanka ay ilaalisay.

Alle wuxuu Quraankiisa noogu sheegay qof kasta oo si kasta ah u dilay Qof Muslim ah, in abaal marintiisu ay noqon doonto Naarta Jahanamo isagoona ku waaraya, taas oo ay u dheertay inuu Alle u caroodo islamaarka ay ku dhacdo Nacladda Alle.

Dhanka kale Culumada Al-Azhar Alshariif ee dalka Masar oo ah Xarunta diimeed ee ugu caansan caalamka Islaamka ayaa dhowaan soo saartay fatwo iftiiminaysa sida argagixisada Alshabaab ay u baal marsanyihiin Diinta Islaamka.

Farriinta Culumada ayaa lagu sheegay in Alshabaab ay caadeysteen ficillada gurracan ee hareer marsan diinta Islaamka, isla markaasna manhajka ay ku dhisanyihiin uu yahay mid been abuur ku ah shareecada Alle.

Culumada Islaamka ee Al-azhar ayaa tilmaamay in Alshabaab ay si xaqdarro ah u daadinayaan dhiigga Muslimiinta iyagoona adeegsanaya magaca diinta, waxa adkeeyeen xurmadu ay leeyahay qofka muslimka ah naftiisa, hantidiisa iyo sharafkiisaba.

Farriintan ayaa culumada Islaamku si weyn ugu beeniyeen marmarsiiyaha Alshabaab ee ku salaysan dhibaateynta dadka rayidka ah, iyadoona culummadu ay soo bandhigeen shuruudaha adag ee diinta Islaamku ay hordhigtay fulinta xadka ama ciqaabta sharciga ah ee ku waajibta qofka muslimka ah ee dambiga gala, taas oo ay waajib tahay in la dhawro ka hor inta aan qofna xad lagu xukumin.

Bayaanka Culummada Al-azhar ay soo saareen ayaa waxa ay ku xaqiijiyiin in dilalka ay geeysteen argagixisada Alshabaab, dadka ay xadka ku xukumeen iyo kumanaanka muslimka ah ay dhibaateeyeen ay tahay xaqdarro weyn oo Alle ku ciqaab doono qof kasta oo ka qeyb qaatay.

“Dilalka iyo guud ahaan xadadka ay fuliyeen, waxa ay ahaayeen kuwo xaq darro ah oo aysan ka muuqan sifooyinka ugu yar ee xad lagu fuliyo,  waxaanna loo soo saaray si hareer marsan shareecada Islaamka, kuwa xukunnadaas dadka lagu dhibaateeyey soo saarayna waa arxan laawayaal aan aqoon u lahayn sharciga Alle iyo Sunnada Rasuulkeenna SCW.”

Culumada bayaanka soo saaray ayaa ugu baaqay dhallinyarada la marin habaabiyey in ay Alle uga toobad keenaan danbigaan weyn ay ka galeen umadda Soomaaliyeed, gaar ahaan ehelkooda iyo qaraabadooda oo maalin walba ay dhibaateeynayaan, iyadoona Culumaddo ay xasuusiyiin xagjiriinta Alshabaab Manahjkii naxariista ku saleysnaa ee Rasuulka CSW uu kula dhaqmi jiray xitaa dadka ay gaalnimadoodu caddahay ama munaafiqiinta ahaa ee Madiina kula noolaa.

Hadaba isku soo wada duuboo bayaanada ka soo baxay culimada Soomaaliyeed iyo culimada Caalamka marmar badan ayaa muujinaya in dhaqanka dad qalatada ah ee Al-Shabaab uusan sal iyo Raadba ku lahayn Diinteena Suuban ee islmaanka.